Град Скопје и ЈП „Водовод и канализација“ годинава ги изненадија скопјани со тоа што фонтаната „Воин на коњ“ на плоштадот „Македонија“ ја пуштија порано од очекуваното, поточно навреме. Она што е исто така невообичаено е што од неа прска вода како во времето кога беше првпат пуштена во употреба, а не како минатите години кога водата повеќе прокапуваше отколку што течеше. Дали се во функција и разнобојните светла треба да се провери во вечерните часови.

Граѓаните во изминатите години беа навикнати фонтаните да се пуштаат во мај само неколку дена, па потоа да им текне на надлежните да ги чистат, па  ги исклучуваа со денови. Рекордот со доцнење беше во 2023 година кога фонтаните беа пуштени во средината на јули, а дотогаш туристите се сликаа покрај „сувите“ лавови.

Да се надеваме дека годинава тоа нема да се повтори и дека навреме биле завршени подготвителните работи.