Вчера околу 13.45 часот во СВР Скопје е пријавено дека на ул.„Шар планина“ во Скопје мотоцикл БМВ со бугарски национални ознаки, управуван од дваесет и двегодишниот М.О. од Скопје, удрил во седумдесет и двегодишниот пешак К.Г. од Скопје.

„Во несреќата на местото на настанот починал пешакот, а од страна на лекар од Итната медицинска помош констатирана била смрт. Извршен бил увид од увидна екипа од јавен обвинител и увидна екипа од СВР Скопје, а по наредба на јавен обвинител М.О. бил лишен од слобода и задржан во полициска станица за понатамошна постапка“, информираат од МВР.

По целосно расчистување на случајот ќе биде поднесена соодветна пријава.