Основното јавно обвинителство Скопје поведе постапка против жител на Скопје за кој постои основано сомнение дека сторил продолжено кривично дело – Тешка телесна повреда.

„Во семејниот дом на улицата „Партение Зографски“, во периодот од 25 до 30 мај, осомничениот 45-годишен скопјанец, во повеќе наврати вршел семејно насилство врз својата вонбрачна партнерка, нанесувајќи ѝ тешки телесни повреди“, се вели во соопштението од ЈО.

„Тој ја удирал со тупаници и клоци по главата и телото, при што кај оштетената предизвикал тешки телесни повреди изразени во вид на хематоми во пределот на лицето, на обете подлактици и мултифрагментарни фрактури на носните коски“, додаваат од Обвинителството, наведувајќи дека до судијата доставиле и предлог на осомничениот да му се одреди притвор.