Ерзана Превала (моминско презиме Бериша) е родена во Скопје на 11 март 1978 година. Таа е наша позната поп-пејачка, која е препознатлива по нејзиниот хит „Ноќна кралица“ со кој настапи на Макфест во 1998 година и ја освои наградата за најдобра изведба.

Живее во Хартфорд, Конектикат, САД, заедно со нејзиниот сопруг Аријан Превала.

Ерзана Бериша, настапуваше на повеќе македонски фестивали во минатото, од кои произлегле нејзините хитови. Сите се сеќаваме на „Колекционер“, „На чекор од тебе“, „Илузија“… Исто така и нејзиниот брат Линдон Бериша е музичар што е до ден-денес активен. Нејзиниот единствен албум т.н. „Без зборови“ важеше за еден од најпродаваните во времето кога беше актуелна. Ерзана како женски изведувач за кратко време направи многу за македонската забавна музика.

Нејзиниот албум беше нешто ново и дотогаш нечуено на овие простори. Таа беше една од првите македонски пејачки што направи соработка со странски рапер што пее на англиски јазик — во големиот хит „Колекционер“.