Управата за јавни приходи извести дека денес, 12 јули, поради опожарување на оптички кабли кај повеќе телекомуникациски оператори, меѓу кои и операторот кој обезбедува услуга за интернет симетричен пристап на УЈП, системите за електронски услуги не биле достапни во периодот од 07:40 до 11.30 часот. Од УЈП велат дека техничкиот проблем е надминат и системите на УЈП повторно им се достапни на граѓаните.

Утринава повеќе граѓани се пожалија дека мобилната апликација „Мој ДДВ“ не функционирала и тие не можеле да скенираат сметки. Кога ја отворале апликацијата, граѓаните велат дека иако таа ги има зачувано податоците со кои можеле да се логираат, таа одново барала да се внесе корисничко име и лозинка. Но, откако го внесувале пинот, апликацијата информирала дека нема конекција до УЈП.