Напаѓачот Папа Оумар Сисе (21) од Сенегал кој во фудбалскиот клуб Брера Струмица дојде минатото лето, повеќе нема да настапува за клубот во продолжението на првенството.

Управата на клубот и Сисе се договорија и одлучија спогодбено да го раскинат договорот за неговиот ангажман.

Сисе во Брера дојде во јули, месец дена пред стартот на првенството од италијанскиот клуб Авецано. Во есенскиот дел од првенството за екипата имаше 14 настапи, беше асистент на гол во дуелот со Струга Трим Љум.

Воедно, ФК Брера информираше дека истече договорот со Христијан Малески кој беше на позајмица во клубот и се враќа во редовите на актуелниот шампион Струга Трим Љум, од каде минатото лето дојде во струмичкиот тим.

Младиот 21-годишен Малески во дресот на Брера доби шанса на 10 првенствени меча и постигна еден гол во мечот со Тиквеш од Кавадарци.