Јаник Синер до неодамна беше на врвот на АТП листата, но поразот од Карлос Алкараз во финалето на САД Опен го чинеше првото место. Сега излегоа бројки кои можеби откриваат дел од причините за падот на Италијанецот на ранг-листата.

Иако Синер важи за комплетен тенисер со врвна техника и физичка подготвеност, статистиката покажува слаба точка во неговата игра, првиот сервис. Моментално, Синер има успешност од 60,6% на прв сервис, што го рангира дури на 54. место во светот во оваа категорија.

Овој сегмент можеби нема да биде пресуден против послаби противници, но може да биде одлучувачки во дуелите со Алкараз ривалството што се очекува да ги одбележи годините кои следат.

Интересно е што Синер е водечки по освоени гемови на свој сервис (92%) и втор најдобар во освоени поени на втор сервис (59,6%), што покажува дека Италијанецот тактички ризикува при првиот удар.