Првиот тенисер на АТП листата, Јаник Синер со пресврт славеше победа против Томас Мартин Ечвери со 2:1 во сетови и така си обезбеди место во осминафиналето.

Аргентинецот одлично го започна натпреварот и го освои првиот сет по тај-брејкот во кој беше подобар со 7:3. Но, Синер потоа се разбуди и се разигра во следните два сета за целосен пресврт.

Во петтиот гем, Синер направи брејк за водство од 3:2, додека Ечвери го зоврати ударот и израмни на 3:3. Синер до крајот на сетот сепак стигна до уште еден брејк, па го освои сетот со 6:4.

Третиот сет помина во доминација на Синер кој му дозволи на Ечвери само два гема. Противник на Италијанецот во осминафиналето ќе му биде подобриот од мечот помеѓу Бен Шелтон и Роберто Карбаљес Баена.