Првиот светски рекет, Јаник Синер, избори пласман во осминафиналето на Сад Опен, совладувајќи го Канаѓанецот Денис Шаповалов во меч кој траеше повеќе од три часа. Италијанецот славеше со 3-1 во сетови (5-7, 6-4, 6-3, 6-3), но не без сериозна доза на драма.

Шаповалов го освои првиот сет и имаше убедливо водство од 3-0 во вториот, но Синер покажа зошто е на врвот на АТП листата. Со девет последователни гема го сврте резултатот во своја корист, освојувајќи го вториот сет и обезбедувајќи рана предност во третиот.

Канаѓанецот не се предаваше лесно, во последниот гем дојде до брејк топка, но Синер остана цврст и не дозволи изненадување. Со сигурна игра ја заврши работата и обезбеди место меѓу најдобрите 16.

Во следната рунда, Италијанецот ќе се сретне со победникот од дуелот меѓу Александар Бублик и Томи Пол, кој е закажан за доцна вечерва.