Ако претходно Карлос Алкараз се намачи против Тиафо и му беа потребни пет сета за да дојде до осминафиналето, Јаник Синер немаше проблеми против Миомир Кецмановиќ.

Доминираше Италијанецот од почетокот до крајот на мечот, а посебно фуриозен беше во првиот сет во кој му дозволи само еден гем на противник (6:1). Во вториот сет Кецмановиќ даде нешто поголем отпор и успеа да освои четири гема, но сепак повеќе од тоа не можеше.

Подобра игра на првиот тенисер на АТП листата гледавме и во третиот сет кој го доби со 6:2.

Противник на Синер во осминафиналето ќе му биде победникот од мечот помеѓу Шаповалов и Шелтон.