Британскиот „Би-би-си“ направи листа на светски ѕвезди меѓу учесниците кои посебно треба да се гледаат на Олимписките игри.

На листата елитни учесници на Олимписките игри во Париз се Ноа Лајлс (спринт), Симон Бајлс (гимнастика), Новак Ѓоковиќ (тенис), Леон Маршанд (пливање), Кејти Ледеки (пливање), Фејт Кипјегон (1500м), Антоан Дупон (рагби 7), Нерај Чопра (фрлање копје), Олга Карлан (мечување), Стефон Кари (кошарка), Шели-Ен Фрејзер-Прајс (спринт).

– Олимпиското злато е единствената голема награда што недостасува во колекцијата на 24-кратниот грен слем шампион Ѓоковиќ. Тој не криеше дека овогодинешната главна цел е да се најде на подиумот во Париз – ја започнува приказната на „Би-би-си“ за српскиот ас.

Ѓоковиќ во првото коло на турнирот ќе игра против Австралиецот Метју Ебден. Мечот е закажан за в сабота на 27 јули околу 14.00 часот на „Филип Шатрије“.

Доколку победи, потенцијален противник во второто коло му е најголемиот ривал, Рафаел Надал.

Денеска официјално започнуваат Олимписките игри, а свеченото отворање е од 19.30 часот.