Спорното интервју со новинарот Драган Павловиќ Латас кај јутјуберот Стефан Лазаров, кое предизвика лавина од негативни реакции во јавноста, а за искажаното се заинтересира и Обвинителството, е избришано од каналот на Јутјуб.

Видеото беше објавено пред пет дена, но предизвика многу реакции на гадење откако на социјалните мрежи се споделуваше делот во кој Павловиќ раскажува за негово сексуално искуство како тинејџер, со девојка која според неговата приказна била малтретирана, тепана и практично силувана во „Фиќо“.

Скопското обвинителство веќе отвори предмет по скандалозното интервју во кое Латас зборуваше за начинот на кој тој и негови другари на 15 години сексуално злоупотребиле девојка во автомобил, која притоа била и „шамарана“.

И од МВР потврдија дека секторот за компјутерски криминал презел мерки и денеска испратиле известување до надлежното јавно обвинителство со документиран материјал.

Лавина реакции на социјалните медиуми по гостувањето на Латас во поткастот на Стефан Лазаров: За двајцата соговорници силувањето е извор на забава и смеа