Екипата на Силекс го затвори летниот преоден рок со ангажман на четворица нови фудблаери, со што стручниот штаб на Васоски добива дополнителна длабочина во ростерот.

Најискусен меѓу новајлиите е 25-годишниот Зоран Андов, кој во Кратово доаѓа од редовите на Брера Струмица. Станува збор за офанзивец кој настапува на крилните позиции.

Во средниот ред пристигнува 24-годишниот Стојче Стојов, кој досега го носеше дресот на Осогово. Нов голмански адут на Силекс е 22-годишниот Кристијан Ѓорѓиевски, кој доаѓа од Вардар Неготино, додека последен на списокот на засилувања е 20-годишниот Лука Јакмовски кој присигнува од Вардарски.