Унгарија нема да прифати антиизраелски мерки, препорачани од Европската унија, и ќе продолжи да гради стратешки сојуз и пријателство со Израел, порача денеска на социјалната мрежа Фејсбук шефот на унгарската дипломатија, Петер Сијарто.

„Јоси Даган, претседателот на Регионалниот совет на Самарија, ме посети од Израел. Разговаравме за безбедносната ситуација на Блискиот Исток и со жалење констатиравме дека антиизраелските чувства и понатаму се силни во западниот дел на Европа. Една од последиците на тоа е што Брисел постојано им препорачува антиизраелски мерки на своите земји-членки. Ние продолжуваме да ги прифаќаме овие факти и работиме на градење стратешки сојуз и пријателство со Израел“, рече шефот на унгарската дипломатија.

Тој додаде дека опсежно разговарале за состојбата на христијанските заедници на Блискиот Исток и се согласиле дека заштитата и обезбедувањето на нивната безбедност е важна заедничка задача.

Во Газа убиен 31 Палестинец вклучувајќи тројца кои чекале помош