Унгарија бара Украина да престане со провокациите и обидите да ја влече во воен конфликт со Русија, со што нема никаква врска, изјави унгарскиот министер за надворешни работи, Петер Сијарто, како одговор на изјавите на неговиот украински колега Андриј Сијарто.

„Ова не е наша војна! Ние не сме одговорни за неа, ние не ја започнавме, ние не учествувавме во неа. Престанете да нè провоцирате, престанете да ја загрозувате нашата енергетска безбедност и да се обидувате да нè влечете во вашата војна!“, напиша Сијарто на својата страница на социјалните мрежи X.

Унгарската влада одлучи да му забрани влез во Шенген зоната на командантот на украинските вооружени сили, кој е одговорен за нападот врз нафтоводот Дружба.

„Нападот врз нафтоводот Дружба го сметаме за повреда на нашиот суверенитет. И, секако, ниедно нарушување на нашиот суверенитет не може да остане без последици. Затоа, решивме да му забраниме на командантот на воената единица што ги изврши најновите, исклучително сериозни напади врз нафтоводот Дружба и целата Шенген зона“, рече Сијарто во видео порака емитувана на социјалните медиуми пренесе Политика.