Шефот на унгарската дипломатија, Петер Сијарто, го поздрави „отвореното и јасно“ отстранување на членството на Украина во НАТО од агендата на самитот во Хаг, како и фактот дека украинскиот претседател Володимир Зеленски не беше поканет на официјален состанок, туку само на неформална вечера.

„Убеден сум дека со отстранувањето на членството на Украина во НАТО од агендата, светот стана побезбедно место. Бидејќи ако Украина стане членка на НАТО, тоа би резултирало со директна конфронтација меѓу Северноатлантската алијанса и Русија, а таквата директна конфронтација очигледно би била еквивалентна на избувнување на третата светска војна“, додаде Сијарто.

Сијарто рече дека ова е прв пат од 2022 година самитот на НАТО да не е фокусиран на поголема поддршка за Украина, туку на зајакнување на колективната одбрана.