Унгарскиот министер за надворешни работи Петер Сијарто ги критикуваше двојните стандарди на Европската унија, посочувајќи дека таа инсистира за членство на Украина, додека земјите од Западен Балкан чекаат повеќе од 14 и пол години, пренесе „Индекс.хр“.

„Додека претседателката на Европската комисија Урсула фон дер Лајен инсистира за членство на Украина до 2030 година, земјите од Западен Балкан чекаат повеќе од 14 и пол години“, рече Сијарто на прес-конференција по средбата со црногорскиот вицепремиер за надворешни и европски прашања Филип Ивановиќ.

Сијарто навел дека „интеграцијата на овој регион ќе ја зајакне ЕУ, додека членството на Украина би претставувало економски и земјоделски ризици“, според портпаролот на унгарската Влада, Золтан Ковач.

Шефот на унгарската дипломатија додаде дека е горд на напредокот на Црна Гора кон членството во ЕУ за време на унгарското претседателство со Советот на ЕУ, истакнувајќи ја неговата поддршка за понатамошни преговори под полското претседателство.

Сијарто најави и зајакнување на економската соработка меѓу Унгарија и Црна Гора, нагласувајќи дека унгарскиот извоз во Црна Гора лани надмина 100 милиони евра, со значителни инвестиции во ИТ, телекомуникациите и финансискиот сектор