Си-ен-ен објави листа со најдобри божиќни панаѓури во светот, меѓу нив е и еден балкански град
Пред нас се божиќните и новогодишните празници, а градовите од западните земји веќе полека се спремаат за божиќните панаѓури.
Препорачано
Како и секоја година, така и оваа, Си-ен-ен направи листа со најатрактивни локации за овој празничен период и најубавите панаѓури во светот.
Тие истакнуваат дека традицијата на божиќните панаѓури е многу долга и датира од 1298 година, кога во Виена се одржал првиот панаѓур од ваков тип. Велат дека оваа традиција се проширила низ целиот свет, а изборот на најдобрите е доста тежок со оглед на тоа што некои панаѓури станале толку популарни што станале туристички атракции.
Според Си-ен-ен, меѓу најубавите дестинации за овој период од годината е и Загреб.
„Лесно е да се разбере зошто загрепскиот божиќен панаѓур е прогласен за најдобар три години по ред во онлајн анкетата на туристичкиот портал ‘European Best Destinations’“, пишува Си-ен-ен.
Загрепскиот адвент е составен од 25 божиќни базари низ хрватската метропола и тоа е „магична глетка“, додаваат оттаму. Меѓу атракциите, тие ги споменуваат перформансите, поп-ап баровите, божиќниот трамвај и „живите божиќни јасли“. Во текстот се споменува и музиката во живо и вкусната улична храна.
Меѓу 22-те најдобри божиќни панаѓури, тие ги истакнаа „Wiener Christkindlmarkt“ во центарот на Виена, панаѓурите во Базел, Стразбур, Прага, Барселона, Фиренца, Копенхаген, Лондон, Њујорк и Сингапур.
