Си Џинпинг во Камбоџа: Кина го трпи најголемиот дел од американските царини, повикува на отпор кон протекционизмот
Кинескиот претседател Си Џинпинг денеска пристигна во Пном Пен, каде за време на состанокот со лидерите на Камбоџа повика на „отпор на протекционизмот“ во време на зголемени трговски тензии со САД и истакна дека кинеската економија ги трпи последиците од американските царини.
Препорачано
Како што јави Ројтерс, Кси Џинпинг во уводникот за локалните медиуми рече дека земјите во регионот мора да се спротивстават на „хегемонизмот и протекционизмот“. Како што е наведено, властите во Камбоџа очекуваат дополнителна поддршка од Пекинг за инфраструктурни проекти, вклучувајќи ја и изградбата на стратешкиот канал Фунан Техо, чија вредност е 1,7 милијарди долари.
Си Џинпинг ја започна турнејата низ Југоисточна Азија, чија цел е да ја промовира слободната трговија и да ја претстави Кина како извор на „стабилност и безбедност“. За време на оваа посета тој ќе разговара за подобрување на трговската соработка меѓу Кина и земјите од Асоцијацијата на нациите од Југоисточна Азија (АСЕАН), пренесува АП.
Официјални лица во Пекинг велат дека Кина сака да ги зајакне економските врски во регионот и да обезбеди стабилност во време на глобални економски тензии предизвикани од новите трговски мерки на САД.
