Во женска конкуренција ги дознавме двете финалистки кои ќе играат во големото финале на грен слем турнирот „Ролан Гарос“ во Париз, Франција.

Полската тенисерка Ига Швјонтек и прва носителка со 6:2 и 6:4 триумфираше во полуфиналната фаза против Американката Коко Гоф.

За 23-годишната Швјонтек ова беше 18-та последователна победа на последните три турнири сезонава и 20-та по ред на терените на „Ролан Гарос“, каде последен пат беше поразена во четвртфиналето во 2021 година.

Во второто полуфинале Италијанката Џасмин Паолини за еден час и 15 минути игра со 2:0 во сетови 6:3 и 6:1 ја совлада Русинката Мира Андреева.

Италија дефинитивно живее за тенисот овие денови, претходно кај мажите Јаник Синер стана првиот Италијанец на врвот на АТП листа.