Премиерот на Шведска, Стефан Лофвен не успеа да постигне компромис со партијата „Лево“ околу колективниот договор за кирии и најверојатно ќе се соочи гласање на недоврба на неговата администрација.

Имено, Шведска има крут систем за колективен договор за кирии.

Партиите од десниот центар подолго време се обидуваат да ја ублажат регулативата и да дозволат пазарот да одлучува за цените за изнајмување станови во новоизградените станови. Лофвен пред извесно време понуди компромис за овој проблем.

– На колегите им дадовме шанса да се изнајде решение за овој проблем. Очекуваме и другите партии да бидат спремни и одговорни и да не ја доведат Шведска во политичка криза – изјави премиерот.

Меѓутоа, партијата „Лево“ многу брзо го отфрли понудениот предлог и претседателката на партијата Ниши Дадгостар изјавила дека ќе достават барање на гласање на недоверба на администрацијата на премиерот Лофвен и изразила загриженост дека власта е одлучна во намерата да им ја покачи киријата на граѓаните.