Владата во Берн денеска го отфрли барањето на Шпанија да дозволи извоз на противавионски топови од швајцарско производство во Украина.

Мадрид минатиот месец побара дозвола за извоз на топови со калибар од 35 милиметри.

Берн претходно ги отфрли и барањата на Данска и Германија, кои сакаа да испратат оклопни возила и муниција од швајцарско производство во Украина.

Денеска пак францускиот претседател Емануел Макрон предупреди дека дури и ако европските сојузници на Украина одлучат да испратат борбени авиони во Киев, тие нема да бидат испратени во „наредните недели“.

Не исклучувам ништо… но тоа не одговара на денешните барања“, рече Макрон по самитот на ЕУ во Брисел на кој присуствуваше и претседателот на Украина Володимир Зеленски.

Макрон предупредува дека е невозможно да се испратат воени авиони на Украина во наредните недели