Повеќето луѓе мислат дека храната богата со јаглехидрати, како што се тестенините и оризот, е лоша за вас кога барате балансирана исхрана. Меѓутоа, ова не може да биде подалеку од вистината, бидејќи се покажало дека е токму спротивното. Овие јаглехидрати кои бавно се ослободуваат помагаат да се надополнат залихите на енергијата, а со тоа и издржливоста во текот на тренинзите.

Јаглехидратите како оризот и тестенините се важни извори на хранливи материи, без оглед на тоа дали содржат цели зрна, вели нутриционистката Натали Ризо. Познато е дека тестенините им даваат енергија на активните поединци за да издржат секаков напор, но дали се навистина супериорни кога станува збор за ориз?

Без разлика дали сакате да јадете шпагети, пене или нешто друго… тестенините се познати по тоа што им помагаат на спортистите со издржливост токму поради јаглехидратите што ги содржат. Една порција тестенини содржи околу 220 калории и 43 грама јаглехидрати, а оние направени од цело зрно имаат повеќе влакна и полесно за варат од тестенините што не се. Но, секоја паста што ќе се изеде сепак содржи околу 8 грама протеини по порција.

Тестенините се технички веќе попреработен производ од оризот, кој е цело зрно.

Кога зборуваме за преработена храна, мислиме на засладени пијалаци и храна полна со шеќер, што може негативно да влијае на здравјето и може да предизвика дијабетес, кардиоваскуларни болести и дебелина, покаживаат резултатите од студијата од 2020 година објавена во списанието „Нутриенс“ (Nutrients).

Но, преработените тестенини не се разликуваат од лебот и можат да бидат здрави. Во лебот се додаваат и шеќери и разни адитиви. Тестенините се само пченица и вода, а содржат и витамини од групата Б, вели Ризо.

Тестенините може да бидат малку полесни за подготвување од оризот, освен ако не користите инстант ориз. Во последниве години, производителите почнаа да прават тестенини и од други намирници, како леќа, леблебија и грашок. Таквите тестенини содржат повеќе хранливи материи, протеини и влакна, но помалку јаглехидрати.

Од причини непознати за Ризо, луѓето почесто посегнуваат по ориз затоа што сакаат малку поздрав оброк, а таа вели дека не знае од каде доаѓа стигмата дека оризот е поздрав од тестенините.

„Оризот често се користи во различни кујни и се смета за поздрав“, вели таа.

Една мала порција ориз содржи околу 250 калории и околу 53 г јаглехидрати и тука е забележлива разликата.

Во споредба со тестенините, оризот – интегрален или бел – содржи помалку протеини и влакна. Има 2 грама протеини, тестенините имаат 8. Содржи 1 грам влакна, тестенините имаат 2,5.

Оризот содржи витамини и минерали коишто тестенините ги нема, вклучувајќи фолна киселина, железо, цинк, но тоа се мали количини. За оние кои избегнуваат глутен во исхраната, оризот е добар избор.