Како и секој петок се обидуваме да ви го олесниме одговорот на прашањето „Што да гледате на Нетфликс и Ејч-би-о овој викенд?“.

Викендите се секогаш резервирани за добар филм или серија. Но, потрагата по истите често знае да биде досаден и фрустрирачки процес. Затоа ние ви подготвивме листа на филмови и серии кои со сигурност нема да ве остават рамнодушни.

„The Lost Daughter“ – филм на Нетфликс

Одморот покрај море на една средовечна жена тргнува наопаку поради нејзината опсесија со дуото мајка-ќерка во блиската вила, што ѝ буди некои од темните спомени од минатото.

Жанр: трилер / „IMDB“ оценка: 6.7 / „Rotten Tomatoes“ рејтинг: 94%

„Dark Winds“ – серија на Нетфликс

Двајца полицајци од племето Навахо се здружуваат за да бараат индиции и да ги откријат тајните зад едно брутално двојно убиство, борејќи се со сопствените демони и верувања.

Жанр: трилер / „IMDB“ оценка: 7.7 / „Rotten Tomatoes“ рејтинг: 100%

„The Brutalist“ – филм на Ејч-би-о

Бегајќи од повоена Европа, еден визионерски архитект доаѓа во Америка за да го обнови својот живот, кариерата и бракот. Сам во една чудна нова земја, тој се населува во Пенсилванија, каде што еден богат и истакнат индустријалец го препознава неговиот талент.

Жанр: драма / „IMDB“ оценка: 7.4 / „Rotten Tomatoes“ рејтинг: 93%

„Duster – серија на Ејч-би-о

Во 1970-тите, возач кој бега се среќава со упорен агент на ФБИ кој сака да го уништи неговото криминално семејство.

Жанр: трилер / „IMDB“ оценка: 6.9 / „Rotten Tomatoes“ рејтинг: 92%