Што да гледате на Нетфликс и Ејч-би-о овој викенд?
Како и секој петок се обидуваме да ви го олесниме одговорот на прашањето „Што да гледате на Нетфликс и Ејч-би-о овој викенд?“.
Препорачано
Викендите се секогаш резервирани за добар филм или серија. Но, потрагата по истите често знае да биде досаден и фрустрирачки процес. Затоа ние ви подготвивме листа на филмови и серии кои со сигурност нема да ве остават рамнодушни.
„Con Mum“ – филм на Нетфликс
Животот на еден готвач се превртува наопаку кога жена која ужива во луксузни патувања, шампањ и хотели тврди дека е неговата одамна изгубена мајка. Овој документарец ја открива неискажаната приказна.
Жанр: биографија / „IMDB“ оценка: 6.7 / „Rotten Tomatoes“ рејтинг: /
„The Residence“ – серија на Нетфликс
Ексцентричната детективка Корделија Кап пристигнува во Белата куќа за да реши убиство што се случило за време на државна вечера.
Жанр: драма / „IMDB“ оценка: 7.9 / „Rotten Tomatoes“ рејтинг: 86%
„Prisoners“ – филм на Ејч-би-о
Кога полицијата одзема премногу време за да ја пронајде ќерката на Келер Довер и нејзината другарка, тој одлучува сам да тргне во потрага. Неговата очајност го приближува до вистината, но истовремено го доведува и неговиот живот во опасност.
Жанр: трилер / „IMDB“ оценка: 8.2 / „Rotten Tomatoes“ рејтинг: 81%
„When No One Sees Us“ – серија на Ејч-би-о
Сместена во Морон де ла Фронтера, приказната ја следи Лусија Гутиерез, наредник во шпанската цивилна гарда, која истражува чудни инциденти за време на првите поворки за Страсната недела, како и необјаснивото самоубиство на еден жител.
Жанр: крими-драма / „IMDB“ оценка: 5.7 / „Rotten Tomatoes“ рејтинг: 88%
