Штабот на Бајден со тврдење: Фејсбук ја оштети нашата кампања за пола милион долари
Изборниот штаб на Џо Бајден, кандидат на Демократите за 46-ти претседател на САД, тврди дека бил оштетен за повеќе од половина милион долари потенцијални донации поради пропуст на компанијата Фејсбук.
Препорачано
-
1
-
2
-
3
Штабот на Бајден го обвини Фејсбук дека спречува објавување реклами со кои се повикува на собирање донации, а компанијата ФБ призна дека има „технички потешкотии” поради што не беа објавени некои реклами, објави „Си-Ен-Ен“.
Двајцата кандидати за претседател во изборната кампања потрошија десетици милиони долари оваа година на рекламирање на Фејсбук.
Изборниот штаб на Бајден во неколку наврати го критикуваше Фејсбук, обвинувајќи го дека „им дозволува на политичарите да лажат во реклами”, што Демократската партија и нејзиниот кандидат го оценуваат како предност на републиканецот Трамп.
– Ниту еден оглас не беше одбиен од ниту еден вработен, или поради политичка поврзаност со кој било од претседателските кандидати”, се вели во соопштението на компанијата Фејсбук.
