Патнички воз излета од шините откако удри во стадо слонови во близина на резерват за диви животни во Шри Ланка во раните утрински часови во четвртокот, јавија локалните медиуми.

Иако нема информации за повредени меѓу патниците, шест слонови настрадале во несреќата во Хабарана, источно од главниот град Коломбо.

Два повредени слона се згрижени, соопшти полицијата, истакнувајќи дека тоа е најтешката ваква несреќа со диви животни што ја видела земјата, пренесе BBC.

Не е невообичаено возовите да налетаат на стада слонови во Шри Ланка, каде што жртвите од двете страни на средбите човек-слон се меѓу најбројните во светот.