Северна Кореја соопшти дека се случила несреќа додека планирала да го испрати својот прв вселенски сателит, што предизвикало пад во морето, пренесува „Би-Би-Си“. Пјонгјанг претходно објави дека планира да лансира сателит до 11 јуни за следење на американските воени активности.

Сега од Пјонгјанг велат дека ќе се обидат со второ лансирање, кое ќе го извршат „што е можно поскоро“.

Лансирањето предизвика лажна тревога во јужнокорејскиот главен град Сеул, додека во Јапонија беше издадено предупредување до жителите на Окинава.

Во Сеул настанал хаос и конфузија откако луѓето се разбудиле од звукот на сирената за воздушен напад и итна порака која ги повикала да се подготват за евакуација – за да им биде кажано дека 20 минути подоцна е испратено по грешка.

Тензиите на Корејскиот полуостров меѓу двете земји кои постојат веќе 70 години повторно се зголемија во изминатиов период, а оваа лажна тревога може сериозно да ја наруши довербата на луѓето во тој систем.

Војската на Јужна Кореја соопшти дека ракетата можеби се распаднала во воздух или паднала откако рано исчезнала од радарите. Јапонскиот премиер Фумио Кишида изјави дека Северна Кореја се чини дека истрелала балистичка ракета и дека владата ги анализира деталите. Тој додаде дека во моментов нема извештаи за штета по лансирањето. Јапонија претходно соопшти дека е подготвена да собори сѐ што и се заканува на нејзината територија.

Пјонгјанг најави лансирање на воен шпионски сателит во јуни