Шпанскиот државен суд има намера да испрати жалба на ослободителната пресуда за бразилскиот фудбалер Дани Алвеш кој беше обвинет за силување.

Оваа одлука беше донесена неколку дена откако апелациониот суд ја поништи пресудата која ја изрече за Алвеш на судењето минатата година.

Бразилецот помина 14 месеци во притвор откако беше уапсен во декември 2022 година затоа што наводно силувал девојка во тоалетот на еден ноќен клуб во Барселона. Алвеш пред судот ја негираше вината, потврди дека се сретнал со девојката, но дека ништо не се случило присилно.

Во февруари 2024 година тој беше прогласен за виновен и осуден на затворска казна од четири години и шест месеци, меѓутоа таа одлука сега се поништи.

Сега целиот случај може да дојде и до Врховниот суд во Мадрид ако се донесе одлука да се разгледува ослободителната пресуда за Алвеш.

Алвеш е еден од најтрофејните фудбалери во историјата и освои 42 титули, а најголемите успеси ги оствари со Барселона со која од 2008 до 2016 освои дури 23 трофеи.