На состанокот на сите шпански фудбалски прволигаши и второлигаши денеска беше донесен став итно да се санкционира Реал Мадрид поради притисок врз судиите.

Ова беше прв состанок од ваков вид во Шпанија, а вие би претпоставиле дека Реал е единствениот клуб што не учествувал.

Реал Мадрид со своето отсуство испрати јасна порака до судиската организација по неодамнешните контроверзни одлуки на нивна штета на мечот со Еспањол кој актуелниот шпански шампион го загуби со 1-0.

По тој меч во Шпанија имаше лавина коментари, Реал беше оштетен, за тоа пишувавме неколку пати, а првите луѓе на „кралскиот“ клуб беа жестоко остри по натпреварот.

Следуваше соопштение од Реал Мадрид во врска со судењето, но тоа само придонесе за подигање на тензиите и предизвика бројни реакции кај другите клубови.

Атлетик Билбао и Атлетико Мадрид се изјаснија, имаше и други коментари, а сите се спојуваат во еден глас – изјавата на Реал Мадрид ја гледаат како чист притисок врз судиите, некои ја гледаат и дрскоста на клубот кој, како што велат, со години врши најголем притисок и влијание врз судиите.