Голманот на Барселона, Марк Андре Тер Штеген ги демантираше информациите на шпанските медиуми дека причина за неговиот развод од сопругата Даниела Јехл е неверство.

Тер Штеген преку друштвените мрежи претходно соопшти дека по размислување подолго време тој и сопругата донеле одлука да тргнат по различни патишта.

Набрзо по оваа објава на шпанските медиуми започнаа да пишуваа за причината за ваквата одлука и се пишуваше дека голманот дознал дека сопругата го изневерила со нејзиниот личен тренер.

Сега Германецот ги демантираше ваквите информации.

„Шокиран сум и разочаран од лошото управување и недостатокот на лидерство и контрола во двете радиа „Catalunya“ и „3Cat Group’. Во прашање е дистрибуција на лажни вести и кршење на личните права. Новинарите Жулијан Канет, Роџер Карандел и Март Монтер се лажговци кои ја навредуваа мојата сопруга и се обидоа да ја нарушат нејзината репутација. Немаше никакво неверство од Даниела, ниту постоела трета личност“, објави Тер Штег.

Тер Штеген и Даниела се венчаа во 2017 година и во изминатите години добија две деца.