Шпанската кралица Летиција и кралот Фелипе VI неодамна се појавија на свеченото отворање на Универзитетската болница во Толедо, а воедно имаа средба и со претставници на медицинскиот персонал.

За оваа пригода, убавата кралица одбрала комбинација која изгледа прилично „ретро“, но всушност секој ќе се согласи дека е одличен есенски „аутфит“.

Летиција беше облечена во дводелен костум во креација на шпанскиот дизајнер Фелипе Варела, кој веќе го носеше во неколку наврати.

Сивиот волнен костум во комбинација со сини кожни потетици од шпанскиот бренд „Margit“ беше комплетиран со темно сина чанта во дизајн на Каролина Херера.

Дводелните костуми сѐ проетко се носат и се карактеризираат како малку „старомоден“ избор.  Несомнено потсетуваат на времињата кога нашите мајки и баби носеа вакви комбинации за на работа. Но, кралицата Летиција уште еднаш покажа дека овој изглед никогаш нема да излезе од мода.

Со само неколку детали, кои може да ги примени секоја жена, се создава модерен, елегантен, есенски изглед од оваа можеби не толку привлечна комбинација.