Италијанскиот тениски ас Јаник Синер ќе добие ново име во својот стручен тим,  шпанската тениска легенда Карлос Моја ќе биде нов тренер на Италијанецот и во овој момент најдобар тенисер во светот.

Моја, кој зад себе има импресивна тренерска кариера и богато тениско искуство, ќе му се приклучи на Синер во текот на 2026 година, по завршувањето на актуелната сезона, кога ќе заврши и соработката меѓу Синер и неговиот досегашен тренер Дарен Кејхил.

Претходно во медиумите се шпекулираше дека поранешниот тренер на Синер, Рикардо Пјати, препорачал неколку имиња како можни наследници меѓу кои биле и Борис Бекер, Иван Љубичиќ, Ренко Фурлан и Карлос Моја. Шпанецот на крајот се издвоил како најпосакувано решение.

Моја, кој има 48 години, е еден од најпочитуваните тренери во светот на тенисот. Од 2016 до 2024 година беше дел од тимот на Рафаел Надал, со кого освои повеќе Гренд слем титули и бројни големи турнири. По пензионирањето на Надал, Моја остана без ангажман, но изгледа не за долго.

Покрај успешната тренерска кариера, Карлос Моја е и поранешен победник на Ролан Гарос (1998), а стана и првиот Шпанец кој се искачи на врвот на АТП листата во 1999 година.