Челниците на Ла Лига ги разгледуваат опциите со кои натпреварите во продолжението од сезоната кои ќе се играат пред празни трибини, да направат помалку „стерилни“.

Според каталонскиот весник „Спорт“, Ла Лига размислува за време на натпреварите да се емитуваат звуци на навивачи за фудбалерите да добијат поприродно чувство.

Целта на оваа идеја е со звучните ефекти да се влијае на амбиентот во кој се игра натпреварот бидејќи трибините ќе останат празни.

Најголем број од европските лиги се согласија да се доиграат актуелните национални првенства но поради пандемијата на коронавирусот, тие ќе се играат без присуство на гледачи.