Целта на сојузниците на Украина треба да биде да обезбедат Киев да има силна армија кога војната ќе заврши за да може да се одбрани од каква било идна агресија, рече германскиот канцелар во заминување Олаф Шолц по самитот во Лондон на кој присуствуваше.

„Основа за се ќе биде силна украинска армија“, рече тој карактеристично.

Во врска со дискусиите во Ланкастер Хаус,  Шолц го опиша како „скапоцено“, додавајќи дека тоа е можност за Европа да ја потврди својата поддршка за Украина како „жртва на руската агресија“.

Како што нагласи, од клучно значење е Украина да може сама да преговара во иднина.

Шолц беше прашан зошто не го покани со себе новиот германски канцелар Фридрих Мерц и одговори дека „ние сме во близок контакт“.