Шокантен инцидент се случи во среда вечерта во градот Голија, Црна Гора, каде што 34-годишен маж е осомничен дека ја убил својата двегодишна ќерка, а потоа си го одзел животот.

Полицијата се сомнева дека Ж.Д. (34) синоќа ја убил својата двегодишна ќерка во градот Голија, а потоа извршил самоубиство, дознава Вијести неофицијално од полицијата.

Според истите информации, Ж.Д. синоќа физички ја нападнал својата сопруга по расправија, а потоа избегал со ќерката.

После тоа, таткото на Ж.Д. пријавил во полиција дека се случила трагедија, дека ги пронашол безживотните тела на неговиот син и внука во градот Голија, на околу 50 километри од Никшиќ, и дека најверојатно станува збор за убиство и самоубиство.

На местото на настанот биле испратени полициски службеници и екипа на брза помош, кои ја утврдиле смртта на Ж.Д. и неговата ќерка.

Истрагата е во тек и ја води државниот обвинител на Вишото државно обвинителство во Подгорица.