За време на новото интервју за „Ролинг стоун“, Кид Рок, музичар познат по своите десничарски ставови, наводно замавнал со пиштол пред лицето на новинарот и постојано користел погрден термин за Афроамериканците.

Минатиот месец, репортерот Дејвид Пејснер му се придружил на 53-годишниот пејач во неговиот дом во Нешвил на интервју кое главно се фокусирало на политиката и неговата непоколеблива поддршка за Доналд Трамп, кого го нарече „омилен“.

Меѓутоа, откако испил малку вино и „барем три или четири коктели“, Пајснер рече дека музичарот станал „пијан“.

Во еден момент, додека се разговарало за политиката, контроверзниот Рок, чие вистинско име е Роберт Џејмс Ричи, посегнал зад столот и извадил пиштол, мавтајќи со него во лицето на Пајснер.

„Имам пиштол овде ако ми треба!“, наводно викал и истакнал дека ги има „секаде“.

И покрај тоа што пејачот мавтал со огненото оружје, двајцата продолжиле да разговараат повеќе од еден час, а Рок лежерно ги изговарал расните навреди и не се воздржувал.

„Вреди да се спомене дека ова не се единствените случаи кога Ричи при мојата посета ги нарекол Афроамериканците со погрден збор“, напиша новинарот.

„Лесно би било тоа да се нарече погрешно однесување на пијан расист, но како и со се што прави Ричи – тешко е да се знае колку е сето тоа пресметано“, истакнува новинарот на „Ролинг стоун“.

Според „Пејџ сикс“, во текот на изминатата деценија, Рок станува сè пополаризиран, претворајќи се од рокер во кантри уметник кој отворено ја изразува својата омраза кон малцинствата.

„Јас сум дел од проблемот. Јас сум еден од поларизирачките луѓе, без сомнение. Понекогаш се жалам поради другите луѓе, а потоа се гледам во огледало и мислам дека понекогаш и јас треба да молчам“, раскажа тој.

Понатаму, Рок дал повознемирувачки коментари за имигрантите и црнците, дури и се пошегуваше дека неговиот средовечен бел батлер го има расистичкиот прекар „Вујко Том“.

Кога новинарот, кого Рок го нарече „снегулка“, требал да си замине, пејачот му се внел во лице. Сепак, Рок на крајот попуштил и се согласил да го однесе новинарот половина километар до неговиот автомобил.

Потоа се ракувале, а Рок му побарал посебна услуга.