Веројатно најпознатиот фудбалски агент на светот Мино Рајола почина на 54-годишна возраст, по боледување, пишува „Газета дело Спорт“.

Рајола беше претставник на ѕвезди како Пол Погба, Ерлинг Халанд, Златан Ибрахимовиќ, Ромелу Лукаку, Марио Балотели, Марко Верати и Хенрих Мхитарјан.

Тој беше хоспитализиран во Милано во јануари и опериран, но природата на болеста не беше откриена. Закрепнуваше во својот дом.

Рајола, кој има скромен бекграунд, стана една од највлијателните фигури во фудбалот, посредувајќи мега-зделки во кои се вклучени некои од најистакнатите играчи.

На пример, тој заработи дури 20 милиони фунти од рекордната продажба на Погба од 89 милиони фунти од Јувентус во Манчестер јунајтед во 2016 година. Форбс минатата година процени дека личното богатство на Рајола изнесува околу 85 милиони долари.