„Изјавата на францускиот претседател Емануел Макрон за можноста за одбрана на Европската унија со француско нуклеарно оружје, обележана со популистички слогани, претставува директна закана за целата светска заедница, а Русија тоа го сфаќа многу сериозно“, изјави денеска секретарот на Советот за безбедност на Русија и поранешен министер за одбрана на земјата, Сергеј Шојгу, според државната агенција ТАСС.

„Се разбира, обрнавме внимание на неодамнешната изјава на францускиот претседател Емануел Макрон, кој, осврнувајќи се на некои договори со други европски лидери, лично се прогласува себеси за главен бранител на Европа од руската агресија што тој ја измисли. Истовремено, прогласувајќи ја на нашата земја за агресор, Макрон заборава дека Русија повеќепати ја спаси Франција од тотален колапс“, рече Шојгу, пренесува РИА Новости.

Тој потсети и дека по Виенскиот конгрес во 1815 година, кој, како што наведе, „повлече линија под долгата и крвава ера на Наполеоновите војни“, Франција не само што не изгубила значителни територии и ресурси, туку всушност го задржала статусот на голема сила.

Шојгу рече и дека главните заслуги за тоа му припаѓаат на рускиот цар Александар Први.

„Уште една епизода во која нашата земја ѝ помогна на Франција да ја одбрани државноста датира од Првата светска војна. Покажувајќи солидарност со пријателска Франција, Русија влезе во војна со Германија и, по цена на животите на илјадници руски војници, го спаси Париз од германската окупација“, рече Шојгу, потсетувајќи на изјавата на францускиот маршал Фердинанд Фош: „Ако Франција не беше збришана од лицето на Европа, тогаш тоа ѝ го должиме пред сè на Русија“.

Тој додаде дека и покрај „катастрофалниот пораз на Франција за само 40 дена на почетокот на тој конфликт, благодарение на цврстата позиција на раководството на СССР“, таа успеа да добие статус на земја победничка, а подоцна и да стане постојана членка на Советот за безбедност на ОН.

Шојгу исто така изјави дека за време на Втората светска војна, советските и француските војници се бореле заедно против Адолф Хитлер.

„Иако за да се зачува историската вистина и да се почитува споменот на паднатите, ние исто така се сеќаваме дека некои француски единици учествуваа во опсадата на Ленинград заедно со нацистичка Германија, а француските СС единици од составот на доброволната дивизија Карло Велики ја бранеа Канцеларијата на Рајх до мај 1945 година. Сите се сеќаваме на ова“, рече Шојгу.

„Гледаме дека неговата внатрешна политика веќе доведе до низа социо-економски, политички, парламентарни и владини кризи, а рејтингот на францускиот претседател во земјата постојано опаѓа – само 21 отсто од учесниците во социјалните истражувања ги одобруваат неговите постапки“, рече секретарот на рускиот Совет за безбедност,