Рускиот министер за одбрана Сергеј Шојгу на состанокот на Советот за безбедност на Русија изјави дека 16.000 доброволци од Блискиот Исток се подготвени да се борат во Донбас.

Претходно, рускиот претседател Владимир Путин поддржа доброволци да се борат, во како што ја нарекува, „специјална воена операција“ во Украина.

– Ако видите дека има луѓе кои сакаат на доброволна основа (да им помогнат на сепаратистите во Источна Украина), тогаш треба да се сретнете со нив на половина пат и да им помогнете да се префрлат во борбени зони, му рече Путин на министерот за одбрана Сергеј Шојгу за време на состанокот на Советот за безбедност, што беше пренесуван во живо на руските државни телевизиски медиуми.

Путин одобри и противтенковските преносни ракетни фрлачи Џавелин и Стингер, запленети од страна  на руската армија во Украина, да им бидат предадени на силите во Донбас.

Исто така, телевискиот канал на руското Министерство за одбрана објави видео снимка на која може да се забележат сириски борци со руски знамиња и симболот „Z“, велејќи дека тие се спремни да волонтираат.

The Russian Defense Ministry’s TV channel just shared this footage of Syrian combatants ready to “volunteer” in Ukraine. (Putin moments ago endorsed such deployments, claiming that the West is openly sending mercenaries.) pic.twitter.com/ouCfjAcSde

— Kevin Rothrock (@KevinRothrock) March 11, 2022

ВИДЕО | Што значи буквата „Z“ на руските воени возила и како стана симбол на поддршка за руската инвазија на Украина?