Шкендија го совлада Тиквеш со 1-0 на домашен терен и ја оствари четвртата победа во сезоната. Тетовци иако не брилираа на теренот, на крајот успеаја да ги освојат трите бода и да остане во чекор со водечкото трио на табелата во Првата македонска фудбалска лига.

Во 36. минута, по првата сериозна акција, Шкендија поведе. Латифи од левата страна нафрли на втората статива, каде Спахиу погоди и донесе водство за тетовскиот клуб.

Тиквеш имаше две одлични шанси за израмнување – Стојанов промаши во 69. минута од блиска дистанца, а Садик не искористи шанса девет минути подоцна. На крајот, иако имаше шанси за поголема предност, Шкендија го одржа водството и го обезбеди триумфот.

Преземено од: Спорт.ком.мк