Фудбалскиот клуб Шкендија ја информираше јавноста дека со меѓусебен договор се раздели со Влатко Стојановски.

Тетовските „црвено-црни“ соопштува дека со консензус се дојде до раскинување на соработката со досегашниот 25-годишен напаѓач.

Сезонава во есенскиот дел од Првата македонска фудбалска лига Стојановски запиша два голови во 14 настапи.

Шкендија во понеделникот објави и дека крилниот напаѓач Валмир Нафиу до крајот на сезоната ќе игра на позајмица во Кошице од Словачка.

Играчите на тренерот Ќатип Османи ги продолжуваат подготовките за вториот дел од сезоната, после контролните мечеви во Анталија, екипата се врати во Тетово и сега фокусот е на прволигашкиот дуел за пет дена на 19 февруари против Шкупи.