Шкендија од петтиот шешир ги чека противниците во УЕФА Конференциската лига
Фудбалскиот клуб Шкендија ова лето испиша историја обезбедувајќи пласман во третото по квалитет европско клупско натпреварување, Конференциската лига, за сезоната 2025-26. Актуелниот македонски првак овој огромен успех го оствари во второто квалификациско коло во Лигата на шампионите кога го елиминираше романскиот ФЦСБ или поранешна Стеауа.
Препорачано
Во третата квалификациска рунда на ЛШ, Карабах од Азербејџан се покажа како многу поквалитетен ривал, а во плејофот на Лига Европа, играчите на тренерот Јетон Беќири покажаа храбро издание против бугарскиот Лудогорец кој го совладаа во Скопје со 2:1, а противникот дома во Разград славеше во продолженија.
Шкендија е само вториот клуб од Македонија кој успеал да обезбеди учество во едно од европските клупски натпреварувања. Вардар во сезоната 2017-18 играше во групната фаза на Лига Европа.
Here's everything you need to know ahead of tomorrow's league phase draw 👇#UECL
— UEFA Conference League (@Conf_League) August 28, 2025
Европската фудбалска куќа (УЕФА) објави дека денеска од 13.00 часот ќе се одржи ждрепката за лигашката фаза во Конференциската лига. Вкупно 36 екипи се поделени во шест шешири, а ФК Шкендија според УЕФА клупскиот коефициент 7.500 се наоѓа во петтиот шешир.
Секој клуб во лигашката фаза ќе одигра по шест натпревари. Првите мечеви ќе се играат на 2 октомври 2025, додека финалето оваа сезона во Конференциската лига е закажано за 27 мај 2026 година во Лајпциг, Германија.
Конференциска лига, 2025-26
Шешир 1:
Фиорентина (Италија)
АЗ Алкмар (Холандија)
Шахтјор Доњецк (Украина)
Слован Братислава (Словачка)
Рапид (Австрија)
Легија Варшава (Полска)
Шешир 2:
Спарта Прага (Чешка)
Динамо Киев (Украина)
Кристал Палас (Англија)
Лех Познањ (Полска)
Рајо Ваљекано (Шпанија)
Шамрок Роверс (Ирска)
Шешир 3:
Омонија (Кипар)
Мајнц (Германија)
Стразбур (Франција)
Јагелонија Бјалисток (Полска)
Целје (Словенија)
Риека (Хрватска)
Шешир 4:
Зрињски (Босна и Херцеговина)
Линколн Ред Импс (Гибралтар)
КуПС (Финска)
АЕК Атина (Грција)
Абердин (Шкотска)
Дрита (Косово)
Шешир 5:
Бреидаблик (Исланд)
Сигма Оломуц (Чешка)
Самсунспор (Турција)
Раков (Полска)
АЕК Ларнака (Кипар)
Шкендија (Македонија)
Шешир 6:
Хакен (Шведска)
Лозана (Швајцарија)
Универзитатеа Крајова (Романија)
Хамрун Спартанс (Малта)
Ноа (Ерменија)
Шелбурн (Ирска)
Тамба: Многу сме разочарани, бидејќи сакавме да одиме во Лига Европа
