Откако беше потврдена веста дека почина легендарниот актер Вал Килмер, бројни фанови, колеги и пријатели се простија од големата ѕвезда. Една од нив беше познатата пејачка Шер, која беше во врска со Килмер во 1980-тите, а подоцна му остана голем поддржувач за време на неговата битка со ракот на грлото.

“Ќе ми недостигаш. Беше смешен, луд, напорен, но и одличен пријател. Децата те сакаа. Брилијантен како Марк Твен и храбар за време на болеста”, напиша Шер на Икс.

VALUS
Will miss u,U Were Funny,crazy,pain in the ass,GREAT FRIEND,kids💜U,
BRILLIANT as Mark Twain,
BRAVE here during ur sickness

— Cher (@cher) April 2, 2025

Љубовниот живот на Килмер беше исто толку интригантен како и неговите филмски улоги. Со текот на годините, тој беше поврзуван со неколку познати жени во светот на забавата. Една од најпознатите врски на Вал Килмер била со Шер. Нивната романса започна во раните 1980-ти, и покрај 14-годишната разлика во годините, тие развија силна врска.

Шер во интервју во ноември 2024 година изјавила дека е „лудо вљубена“ во Килмер, но тој решил да ја прекине врската. Таа исто така истакна дека делеле слична смисла за хумор и меѓусебно почитување.

За потсетување, Вал Килмер почина на 66-годишна возраст од пневмонија. Веста ја потврди неговата ќерка Мерцедес Килмер, која ја имаше во бракот со актерката Џоан Вели.

На Килмер му бил дијагностициран рак на грлото во 2014 година, по што бил подложен на хемотерапија, зрачење и операции, вклучително и трахеотомија, која трајно му го променила гласот и го отежнала говорот. И покрај тоа што подоцна беше прогласен за излечен од рак, последиците од болеста ги одбележаа последните години од неговиот живот.