Шенон Доерти имала список на непожелни луѓе на нејзиниот погреб: Сакам да биде како фестивал на љубовта
Ѕвездата на серијата „Беверли Хилс“, Шенон Доерти, во последните девет години боледуваше од рак и отворено зборуваше за тоа.
Препорачано
Како што и самата истакна во едно интервју, таа била свесна дека ќе умре и затоа го продала целиот свој имот, за да ѝ олесни на мајка си кога ќе дојде тој тежок момент.
Меѓу другото, Шенон оставила и список на луѓе кои не сакала да дојдат на нејзиниот погреб.
„Почнав да размислувам за тоа кој ќе се појави на мојот погреб. И има многу луѓе кои мислам дека ќе се појават, а јас не ги сакам таму. Причините за појавување не се нужно најдобрите причини, како таа дека не ме сакаат“, рече актерката во поткастот „Да бидеме јасни“.
„Тие имаат свои причини, но тие навистина не ме сакаат доволно за да се појават на мојот погреб, а ќе се пјават бидејќи тоа е политички коректно и не сакаат да изгледаат лошо. И затоа некако сакам да го симнам тој притисок. И сакам мојот погреб да биде како фестивал на љубовта“.
Таа никогаш не го откри списокот на оние кои не биле добредојдени на погребот бидејќи не сакала, но истакнала дека нема да ѝ пречи присуството на обожаватели.
