Министрите за надворешни работи на арапските и муслиманските земји денес остро ги осудија нападите на Израел врз Иран и повикаа на деескалација на конфликтот.

Во заедничко писмо потпишано од шефовите на дипломатиите на Египет, Јордан, Пакистан, Бахреин, Брунеи, Турција, Чад, Алжир, Коморите, Обединетите Арапски Емирати, Џибути, Саудиска Арабија, Судан, Сомалија, Ирак, Оман, Катар, Кувајт, Либија и Мавританија, беше изразена „сериозна загриженост за опасната ескалација во регионот“, објави CNN повикувајќи се на египетската агенција Мена.

Како што е наведено, министрите „ја утврдија потребата од почитување на суверенитетот и територијалниот интегритет на државите и принципот на добрососедство, повикувајќи ги сите страни да ги решат своите спорови мирно.