В четврток (27 август) со почеток од 18.00 часот составот на Ерменија ќе се соочи против Алашкерт во рамките од првото квалификациско коло на Лига Европа.

Поради ситуацијата со Ковид-19, УЕФА донесе одлука да се игра по еден натпревар, а не според досегашниот принцип дома-гости.

Тетовските „гипсари“ не одат со бело знаме на ова гостување и ќе се обидат да извлечат поволен резултат кој ќе им обезбеди пласман во следната рунда.

– Натпреварите во Лига Европа се интересени и атрактивни за секој фудбалер. Мислам дека и ние како екипа максимално сме подготвени за овој меч. Атмосферата е позитивна и во Ерменија одиме по добар резултат – се зборовите на фудбалерот на Ренова, Шефит Шефити на клупскиот фејсбук профил .

Во својата клупска историја на меѓународната сцена Ренова најдалеку во ова натпреварување стигна до второто квалификациско коло во сезоната 2012/13, тогаш со две убедливи победи по 4:0 го елиминираше Либертас од Сан Марино, а потоа налета на белорускиот Гомел од кој загуби на првиот меч со 0:2, а триумфираше на гости (0:1).