„Шарли Ебдо“ повторно „удри“ по Иран, игнорирајќи ги заканите на Техеран и Хезболах
„Ни требаше една недела да го најдеме излезот“, стои во описот на провокативниот скеч објавен денеска од францускиот сатиричен весник „Шарли Ебдо“, на кој се прикажани ирански мула како излегуваат од тело на жена.
Препорачано
На 4 јануари, во друг скеч, мулите беа насликани како влегуваат во телото на жената, што предизвика силна реакција од иранското Министерство за надворешни работи, кое му се закани на Париз. Францускиот сатиричен весник денеска тргна во офанзива по заканите од Иран и Хезболах, либанската моќна проиранска групација, кои ја осудија публикацијата на контроверзните скици за врховниот лидер на Иран, пишува францускиот весник „Фигаро “.
Le journal de la semaine est à retrouver chez votre marchand de journaux ou sur https://t.co/5SPrx5RObP ! pic.twitter.com/xyliuvq3VE
— Charlie Hebdo (@Charlie_Hebdo_) January 11, 2023
Хезболах, всушност, ја повика париската влада да преземе мерки против францускиот сатиричен весник.
„Хезболах силно го осудува овој грозоморен чин, ги повикуваме слободните и чесни луѓе ширум светот да го осудат“, се вели во соопштението на шиитската партија.
„Шарли Ебдо“ пред една недела објави серија карикатури за врховниот верски и политички лидер на Исламската Република Иран, ајатолахот Али Хамнеи, предизвикувајќи гнев кај Техеран.
„Имамот Хамнеи не е само водач на голема земја, тој е религиозна точка на референца за десетици милиони верници “, нагласи Хезболах, повикувајќи ја француската влада да преземе строги мерки за казнување на сторителите на оваа акција.
Како одговор на објавувањето на овие скици, Иран минатата недела го затвори Францускиот институт за истражување во Иран (ИФРИ), кој е дел од француското Министерство за надворешни работи, во Техеран.
Минатата недела, стотици Иранци се собраа пред француската амбасада во Техеран,каде запалија француски знамиња.
Protesters gathered in front of the French embassy in Tehran yesterday to voice their anger over cartoons insulting the Iranian leader Ayatollah Khamenei in the Islamophobic French magazine Charlie Hebdo. Paris has said that freedom of speech exists in France, unlike Iran. pic.twitter.com/pxPoUunplj
— 5Pillars (@5Pillarsuk) January 9, 2023
Од своја страна, „Шарли ебдо“ објави дека ги објавил скиците во знак на поддршка за народот на Иран, во време кога земјата веќе неколку месеци ја потресуваат невидени протести, предизвикани од смртта на 22-годишната Махса Амини , откако беше уапсена од полицијата во Техеран затоа што не ја носела правилно шамијата.
На денешен ден пред осум години францускиот сатиричен весник беше нападнат од терористи како одмазда за неговите карикатури кои се сметаа за навреда на пророкот Мухамед.
Францускиот сатиричен весник беше цел на три терористички напади: во 2011, 2015 и 2020 година. Сето тоа наводно беше како одмазда за карикатурите што ги објавуваше од време на време со контроверзно прикажување на пророкот Мухамед.
