Актуелната шампионка на Вимблдон, Ига Швјонтек изненадувачки го заврши настапот во осминафиналето на турнирот во Монтреал, Канада.

Подобра од полската тенисерка беше подобра од Клара Таусон од Данска, која триумфираше со 7:6(1), 6:3, со што ја прекина серијата од девет победи на нејзината противничка.

Првиот сет беше израмнет, при што тенисерките разменија по еден брејк. Одлуката за тоа кој ќе ја добие предноста дојде во тај-брејкот, кој Таусон го одигра феноменално, губејќи само еден поен.

Во вториот сет, 19-та рангирана тенисерка на ВТА листата прва направи брејк и поведе со 3:1. Швјонтек возврати во седмиот гем, но во следниот гем повторно го загуби сервисот, а потоа 22-годишната данска тенисерка го заврши мечот без никакви проблеми.

Таусон ќе игра со шестата рангирана тенисерка во светот и шампионка на Австралија опен, Медисон Киз од САД, во четвртфиналето.