Москва денес објави дека Пјонгјанг ќе испрати илјадници севернокорејски воени инженери и работници за да помогнат во обновата на рускиот Курски регион, кој беше делумно окупиран од украинските сили од август 2024 до пролетта 2025 година.

„Пет илјади луѓе, како дел од работничката дивизија, ќе ја преземат обновата на Курскиот регион“, изјави секретарот на рускиот Совет за безбедност Сергеј Шојгу по разговорот што го имал во Пјонгјанг со севернокорејскиот лидер Ким Џонг Ун, објавија руските новински агенции.

Во овој контекст, Северна Кореја ќе испрати и илјада миноловци во Русија за чистење на мини во Курската област, изјави Шојгу за новинарите во Пјонгјанг.

„Исто така, беше постигнат договор за продолжување на конструктивната соработка по протерувањето на напаѓачите од руска територија, имено за обезбедување помош од корејска страна во обновата на Курската област. Претседателот на Комисијата за државни работи Ким Џонг Ун донесе одлука за испраќање илјада миноловци во Русија за чистење на мини на руска територија“, нагласи Шојгу.